Жыхар Уэльса сабраў убор Жалезнага чалавека за £450
- 1.08.2014, 17:31
- 12,138
Жыхар Уэльса Пітэр Мітчэл сабраў убор Жалезнага чалавека ў натуральную велічыню за £450.
Пра гэта паведамляе The Daily Mirror. 46-гадовы супрацоўнік HSBC наважыў выкарыстаць свае інжынерныя здольнасці, калі сяброўка не дазволіла яму набыць афіцыйную копію касцюма Тоні Старка ў Marvel, піша «Газета.Ru».
Са слоў Мітчэла, ён купіў цацачную мадэль Жалезнага чалавека вышынёй амаль 30 см і вымераў ўсе яе дэталі. Валіец таксама вывучыў тэматычныя сайты ў інтэрнэце. Агулам ён выдаткаваў на матэрыялы прыкладна £450. На стварэнне ўбора ў Мітчэла сышоў год.
Валіец прызнаўся, што любіць працаваць з рознымі матэрыяламі, у тым ліку з дрэвам, пластыкам і глінай, бо гэта вельмі супакойвае. Акрамя таго, Мітчэл захапляецца 3D-друкам.