Мінфінансаў РФ прапануе ўвесці падатак з продажаў

Мінфінансаў Расеі падаў ва ўрад законапраект аб дапаўненні Падатковага кодэкса краіны новай прапановай «Падатак з продажаў».

Рэгіёны атрымаюць права ўводзіць яго, пачынаючы з 1 студзеня 2015 года, піша РБК.

Раней сёння агенцтва «Інтэрфакс» паведаміла аб унясенні ва ўрад дакумента, не ўзгодненага з Мінэканамразвіцця і Мінюстам, са спасылкай на сваю крыніцу ў фінансава-эканамічным блоку ўрада, знаёмую з тэкстам дакумента. Крыніца ва ўрадзе паведаміла, што дакумент ва ўрад яшчэ не паступіў.

Паводле звестках крыніцы ў міністэрстве, законапраект паўтарае нормы аб падатку з продажаў, якія дзейнічалі ў Расеі да яго адмены ў 2004 годзе. Пасля ўваходжання яго ў дзеянне, рэгіёны атрымаюць права ўводзіць новы падатак, калі будуць уважаць гэта за неабходнае і магчымае. Экспэрты, між тым, бачаць складанасці з адміністраваннем гэтага падатку і мяркуюць, што такім правам у першую чаргу скарыстаюцца буйныя рэгіёны, дзе вялікая дзель рэтэйлу прыпадае на сеткавыя крамы.

Права рэгіёнам уводзіць падатак з продажаў плануецца прадставіць з першага студзеня 2015 года. «Мы будзем спрабаваць правесці закон такім чынам, каб рэгіёны атрымалі магчымасць увесці падатак з 1 студзеня 2015 года», - кажа крыніца ў Мінфінансаў. Падатковы перыяд паводле праекта Мінфінансаў складае адзін месяц, дадае ён. Гэта значыць, калі рэгіён не захоча ці не паспее гэта зрабіць, то ён зможа яго ўвесці з 1 лютага, 1 сакавіка, 1 красавіка і гэтак далей, «ці не ўводзіць наогул - паводле законапраекта мяркуецца, што гэта таксама яго права».

Між тым, высокапастаўлены чыноўнік фінансава-эканамічнага блока заявіў РБК, што разглядае, як аптымальны варыянт адкласці ўвядзенне падатку з продажаў на сярэдзіну года, падаўшы такую магчымасць рэгіёнам толькі з 1 ліпеня.