Невядомыя хакеры «звольнілі» Мядзведзева

Старонка прэм'ер-міністра Расеі ў «Твітэры» ўзламаная.

Хакеры размясцілі на ёй паведамленне ад імя Дзмітрыя Медвдедева аб ягоным звальненні.

«Сыходжу ў адстаўку. Сорамна за дзеянні ўрада. Прабачце, - абвяшчае допіс у «Твітэры». - Буду вольным фатографам. Даўно марыў».

Пазней у запісе прэм'ер-міністра Расеі з'явіліся яшчэ некалькі запісаў, прысвечаных апошнім ініцыятывам ўрада краіны.

«І дарэчы, з нагоды «вай-фая з пашпартам» ды іншых ініцыятыў урада для рэгулявання актыўнасці ў Сеціве. Прымусілі, - гаворыцца ў адной з іх. - Можа лепш забараніць электрычнасць? Абяцаю бліжэйшым часам урад падумае і над гэтым. Але без мяне».

Нагадаем, у 2011 годзе аб'яднаная хуліганскія-творчая групоўка «Дзякуй, Ева» замахнулася на старонку Дзмітрыя Мядзведзева, які займаў тады пасаду прэзідэнта РФ, у «Твітэры». Актывісты прапаноўвалі падабраць пароль да ўліковага запісу. За ўзлом старонкі прапаноўвалі $1000.