Сотні мітынгоўцаў патрабуюць люстрацыі ля будынка Рады

Мітынгоўцы перацялі вуліцу Грушэўскага каля ўкраінскага парламента.

Каля тысячы чалавек ля Вярхоўнай Рады ў чацвер праводзяць акцыю з патрабаваннем прыняць рэанімацыйны пакет рэформаў, у тым ліку, закон аб люстрацыі.

Пра гэта паведамляе "Інтэрфакс-Украіна".

Мітынгоўцы перацялі вуліцу Грушэўскага ў раёне парламента. Пікетоўцы - прадстаўнікі ВА "Свабода", "Грамадзянскай пазіцыі", палітычнай партыі "Воля", "Правага сектара", аўтамайданаўцы.

14 жніўня на пасяджэнні Рады дэпутатам прапануюць унесці ў парадак для закон "Аб ачышчэнні ўлады", прапанаваны народным дэпутатам Юрыем Дзеравянкам.

Таксама ў першым чытанні плануецца разгледзець папраўкі да закона "Аб выбарах народных дэпутатаў Украіны", якія тычацца права быць абраным. Журналісты назвалі гэты дакумент "законам аб люстрацыі".

Спікер Вярхоўнай Рады Аляксандр Турчынаў заявіў, што Вярхоўная Рада сёння ў кожным выпадку прыме законапраект аб люстрацыі.

Пра гэта ён заявіў, адкрываючы пасяджэнне Рады.

"Сёння закон аб люстрацыі будзе прыняты. Кропка... Парламент не разыдзецца да таго часу, пакуль не будзе прыняты закон аб люстрацыі", - адзначыў Турчынаў.

Фота: ЛІГАБізнесІнформ