Войска Прыднястроўя праводзіць вайсковыя вучэнні
2- 14.08.2014, 14:25
- 5,691
У Прыднястроўі пачаліся камандна-штабныя вучэнні воінскіх частак у прыкрыцці мяжы.
Яны будуць доўжыцца чатыры дні, да ўдзелу вайскоўцаў запасу. Пра гэта заявіў міністр абароны непрызнанай рэспублікі, генерал-маёр Аляксандр Лук'яненка, паведамляе ІТАР-ТАСС.
«Гэта абсалютна планавае мерапрыемства. Такія вучэнні праводзяцца штогод як праверка падрыхтоўкі органаў кіравання. Мяняецца толькі іх тэматыка і кірунак», - заявіў Лук'яненка.
З ягоных слоў, падраздзяленні адной з вайсковых частак былі паднятыя па трывозе i дастаўленыя ў раён правядзення манеўраў. У далейшым яны адпрацуюць тактыку абарончага бою ва ўмовах непасрэднага сутыкнення з праціўнікам.
Раней Камітэт дзяржаўнай бяспекі непрызнанай Прыднястроўскай малдаўскай рэспублікі папярэджваў аб магчымых узброеных правакацыях на мяжы з Украінай.
У Радзе нацыянальнай бяспекі і абароны Украіны заяўлялі пра беспілотнік, які заляталі ва Украіну з боку Прыднястроўя. У прыватнасці, палёты беспілотнікаў былі зафіксаваныя ў Адэскай і Вінніцкай абласцях.