Зборная Захарава згуляе супраць менскага «Дынама»

15 жніўня на «Менск-Арэне» адкрыецца турнір памяці Руслана Салея.

Адзіным прадстаўніком КХЛ на турніры будзе пачатковец лігі «Сочы». Вядома, хацелася б убачыць апанента больш прадстаўнічага, але хвалявацца не варта. Хутка стартуе сезон - там пабачым усіх. Ды і «Сочы», які абраў сваім сімвалам леапарда, прывязе не толькі катоў у мяшку, але і парачку львоў, піша «Комсомольская правда в Беларуси».

Чаго толькі каштуюць імёны вядомых у выступах за «Салават Юлаеў» Віталя Прошкіна, Сяргея Зіноўева і Алега Сапрыкіна. Акрамя таго, клуб папоўніў самы выніковы абаронца «Данбаса» Клэй Уілсан.

З катоў у мяшку нам цікавей за ўсё будзе ўбачыць у справе беларуса Арцёма Дзямкова. Але самая вялікая кадравая інтрыга «Сочы» ў праглядальным кантракце буяна Міхаіла Анісіна. У клубе кажуць, што ён пасталеў і паразумнеў. Мы толькі нагадаем, што ў мінулым сезоне «Данбас» скасаваў кантракт з Анісіным пасля таго, як ён зладзіў бойку спачатку ў начным клубе, а затым і ў лякарні.

А менскім заўзятарам Міхаіл памятны скандальным матчам лістапада 2011 года «Дынама» - «Віцязь», калі ён разам з Назаравым і Панарыным падчас матчу ўступіў у бойку з гледачамі.

На дэсерт арганізатары прапанавалі нам у апаненты менскае «Дынама» са зборнай клубаў Беларусі. Узначаліць яе нястомны Міхаіл Захараў, які нават такім не апрабаваным складам паспрабуе паказаць «зубрам» сваё трэнерскае ўменне.

У складзе менчукоў, у параўнанні з матчамі ў Чэхіі, ключавых змен не чакаецца. Адзначым толькі, што да трэніровак прыступілі раней траўмаваныя Крайчак, Кітараў, Філічкін і Калюжны.

Расклад турніру:

15 жніўня (пятніца)

15.00. «Нёман» - Зборная клубаў Беларусі. 19.00. «Дынама» - «Сочы»

16 жніўня (субота)

13.00. «Сочы» - Зборная клубаў Беларусі. 17.00. «Дынама» - «Нёман».

17 жніўня (нядзеля)

13.00 «Нёман» - «Сочы». 17.00. «Дынама» - Зборная клубаў Беларусі.