Расея створыць вайсковую групоўку ў Крыме
6- 14.08.2014, 18:37
- 8,277
Прэзідэнт Расеі Уладзімір Пуцін зацвердзіў праграму стварэння асобнай вайсковай групоўкі ў Крыме.
«Хачу вас праінфармаваць, што Міністэрства абароны падрыхтавала дадатак да праграмы ўзбраенняў і падрыхтавала асобную праграму стварэння і развіцця вайсковай групоўкі ў Крыме. Я гэтую праграму зацвердзіў», - сказаў ён у Ялце на сустрэчы з парламенцкімі фракцыямі.
Са слоў Уладзіміра Пуціна, праграма не будзе залішняй і затратнай. «Мы яе не будзем насычаць залішнім асабовым складам, залішнімі ўзбраеннямі, але гэтая праграма арганічна ўпісваецца ва ўсе планы развіцця нашых узброеных сіл, у тым ліку маю на ўвазе яе тэрытарыяльны складнік», - падкрэсліў прэзідэнт.
Акрамя таго, Уладзімір Пуцін паведаміў, што расейскае войска будзе аснашчана сучасным наступальным і абарончым узбраеннем, якога іншыя войскі свету не маюць.