Вызначаная самая міралюбная краіна свету

Паводле апошняга Індэксу міралюбнасці, Ісландыя стала самай міралюбнай краінай свету ў 2014 годзе.

Аб гэтым піша News.turizm.

Індэкс, які вылічваецца інстытутам эканомікі і міралюбнасці штогод, пачынаючы з 2009 года, ацэньвае ўзровень спакою і абароненасці ва ўсім свеце. Індэкс грунтуецца на 22 розных індыкатарах.

У гэтым годзе, згодна апублікаванаму індэксу, у топ-10 патрапілі: Ісландыя, Данія, Аўстрыя, Новая Зеландыя, Швайцарыя, Фінляндыя, Канада, Японія, Бэльгія і Нарвэгія.

Таксама быў складзены топ-10 краін з найгоршым у свеце становішчам: Сірыя, Афганістан, Паўднёвы Судан, Ірак, Самалі, Судан, ЦАР, Конга, Пакістан, КНДР і Расея.