Расейская прапаганда: гуманітарныя КамАЗы не прайшлі абкатку
56- 16.08.2014, 12:00
- 35,350
КамАЗы з расейскай гуманітарнай дапамогай едуць амаль пустымі ў адпаведнасці з тэхрэгламентам для новых машын.
КамАЗы з расейскай гуманітарнай дапамогай для жыхароў усходу Украіны былі загружаныя не цалкам у адпаведнасці з тэхрэгламентам для новых машын, многія з якіх яшчэ не прайшлі абкатку, растлумачыў РІА «Навіны» прадстаўнік падмаскоўнага транспартнага прадпрыемства - перавозчыка гуманітарнага грузу.
У СМІ раней з'явіліся фотаздымкі, на якіх грузавікі з гуманітарнай дапамогай запоўненыя толькі часткова.
Got to check out more convoy trucks this morning. A lot of them mostly empty like this one pic.twitter.com/9qM7bYliv9
— Courtney Weaver (@courtneymoscow) August 15, 2014
«Камазы не загружаныя цалкам, каб не было празмернага зносу яшчэ не абкатаных аўтамабіляў, многія з якіх 2014 выпуску», - сказаў суразмоўца агенцтва.
Акрамя таго, з ягоных слоў, калону суправаджае абмежаваную колькасць людзей.
«Гэта значыць, што ў выпадку паломкі тэхнікі і прыпынку на трасе перагрузіць шматтонны грузавік уручную на іншыя машыны, да таго ж загружаныя цалкам, было б вельмі складана. Да таго ж, цалкам загружаны фургон недастаткова хутка ідзе ў гару, што з прычыны вялікай колькасці машын моцна ўплывала б на хуткасць перамяшчэння калоны. А груз неабходна было даставіць хутка з прычыны складанай гуманітарнай сітуацыі на ўсходзе Украіны», - дадаў суразмоўца агенцтва.