Прадстаўнік Пуціна: Прыднястроўе стане часткай Расеі
19- 20.08.2014, 9:50
- 19,591
Расея хоча захапіць Прыднястроўе такім жа чынам, як і Крым.
Пра гэта, адказваючы на пытанне жыхаркі Прыднястроўя, заявіў паўнамоцны прадстаўнік прэзідэнта РФ у акупаваным Крыме Алег Белавенцаў, паведамляе крамлёўскае інфармагенцтва Крымінформ.
"Пытанне ў "дзесятку". Я б сёння далучыў. Але, на жаль, вы бачыце, што сёння адбываецца ва Украіне", - сказаў Белавенцаў. Пры гэтым ён адзначыў, што "мы падзяляем вашую сітуацыю, мы яе разумеем". "Я ўпэўнены, што ў канчатковым выніку вы ўсё роўна будзеце ў Расеі", - падсумаваў Белавенцаў.
Нагадаем, у пачатку жніўня Малдова чарговым разам запатрабавала вывесці з Прыднястроўя расейскіх вайскоўцаў, а Расея ўвяла эмбарга на малдаўскую садавіну пасля таго, як Кішынёў падпісаў пагадненне аб асацыяцыі з Еўразвязам.
Фота: argumentiru.com