Нідэрланды пераглядаюць энэргетычныя сувязі з Расеяй

У мінулым годзе Галандыя была галоўным спажыўцом расейскага экспарту ў свеце.

Месяц таму на ўсходзе Украіны быў збіты "Боінг" MH17 авіякампаніі Malaysian Airlines, на борце якога знаходзіліся блізу 200 галандцаў, і Нідэрланды пачалі пераглядаць свае шырокія энэргетычныя сувязі з Расеяй, паведамляе Reuters (пераклад - Инопресса.ру).

У 1995 годзе Расея экспартавала ў Галандыю паліва на 728 млн еўра, а ў 2013-м - ужо на 19 млрд еўра.

"Мы бачым, што пасля таго, як быў збіты самалёт, усё цалкам змянілася, - распавёў Луіс ван Схайк з Нідэрландскага інстытута міжнародных стасункаў. - Нідэрландам трэба глыбока і дакладна падумаць аб будучыні энэргетычным супрацоўніцтва з Расеяй. З ідэяй аб тым, што мы можам весці справы з Пуціным, нягледзячы на яго беспрынцыповасць, усё вызначана".

"Палітыка залежнасці ад расейскага імпарту, відавочна, будзе перагледжана. Яны [ўрадавыя чыноўнікі] будуць старацца наладзіць пастаўкі з Нарвэгіі або імпарт сланцавага газу з ЗША, аднак на змену курсу і стварэнню новай інфраструктуры сыдзе нямала часу", - заявіў ён.

Ананімная крыніца агенцтва ў галандскім ўрадзе заявіла, што "наша палітыка - пераканацца, што пастаўкі энэрганосьбітаў стануць больш разнастайнымі". "Выпадак з Расеяй падкрэслівае, што гэта патрэбна", - дадаў суразмоўца Reuters.

Дойч нагадвае, што раней галандская дзяржкарпарацыя GasUnie інвеставала 650 млн еўра ў будаўніцтва газаправода "Паўночная плынь". Аднак, як заявіў 14 жніўня міністр гандлю Галандыі, план супольнага з "Газпрамам" пашырэння "Паўночнай плыні" "цяпер прыпынены".

Пасля трагедыі з малайзійскіх лайнерам у прэм'ер-міністра краіны Мракэ Рутэ адбылася "напружаная" тэлефонная размова з Уладзімірам Пуціным. Кіраўнік галандскага ўрада патрабаваў ад Расеі спрыяння ў атрыманні целаў грамадзян Галандыі, прыстрашыўшы, што ў адваротным выпадку "будуць разглядаецца ўсе варыянты палітычных, эканамічных і фінансавых мер супраць тых, хто нясе прамую або ўскосную адказнасць" за тое, што адбылося. Аднак мінуў ужо месяц, а галандскія экспэрты так і не змаглі агледзець значную частку месца катастрофы.