Пасажырскі самалёт загарэўся ў аэрапорце Дэлі

Самалёт з 147 пасажырамі і 6 чальцамі экіпажа на борце, які рухаўся рэйсам «Мумбаі - Дэлі», загарэўся падчас пасадкі ў аэрапорце Дэлі.

Пра гэта паведамляе РІА «Навіны» са спасылкай на тэлеканал NDTМ.

Паводле звестак тэлеканала, капітан паветранага судна атрымаў інфармацыю пра ўзгаранне ад дыспетчара, пасля чаго ён неадкладна аддаў распараджэнне сябрам экіпажа эвакуяваць усіх пасажыраў пры дапамозе аварыйных трапаў адразу пасля пасадкі самалёта. Эвакуацыя рабілася на рулежнай дарожцы і доўжылася 75 секунд.

У заяве авіякампаніі гаворыцца пра тое, што некалькі пасажыраў атрымалі траўмы рознай ступені цяжкасці. Супрацоўнікі аэрапорта аказалі дапамогу пацярпелым проста ў будынку аэрапорта.

Прычына ўзгарання высвятляецца.

Фота: wikimapia.org