Каптур і Каралёў заваявалі «срэбра» на чэмпіянаце ў Еўропе
- 20.08.2014, 21:07
- 4,430
Беларускі дуэт заняў другое месца на чэмпіянаце Еўропы ў Берліне ў сінхронных скачках у ваду з вышкі.
Вадзім Каптур і Яўген Каралёў у фінале атрымалі ад суддзяў ацэнку 421,80 бала, піша «Прэсбол».
Золата здабыў нямецкі дуэт Патрык Хаусдынг/Саша Кляйн - 461,46 бала. Бронзу заваявалі ўкраінцы Аляксандр Бондар і Максім Абавязкаў - 415,17. Усяго на чэмпіянаце Еўропы ў гэтым відзе спаборнічалі пяць дуэтаў.
27-гадовы Вадзім Каптур і 23-гадовы Яўген Каралёў выступаюць разам у сінхронных скачках усяго другі год. Летась на чэмпіянаце свету ў Барселоне яны занялі 12-е месца, а на чэмпіянаце Еўропы ў нямецкім Растоке - шостае.