Андрэй Макарэвіч выступіць у Салігорску на свяце «Беларуськалія»
- 22.08.2014, 11:45
- 6,328
29 жніўня ў Салігорскім спартыўна-відовішчным комплексе пройдзе традыцыйнае ўрачыстае мерапрыемства для работнікаў ААТ «Беларуськалій».
Пра гэта паведамляе saligorsk.org.
Плануецца, што калійнікаў сваёй творчасцю парадуюць шоў-балет «Тодэс», саліст фларэнтыйскага опернага тэатра Уладзімір Аляксандравіч.
Сярод беларускіх зорак варта адзначыць удзел у канцэрце Юрыя Вашчука, больш вядомага пад псеўданімам Тэа, гурта «Las Vegas», Вольгі Барабаншчыкавай, гумарыстычнага дуэта «Піва ўдваіх», гурты «Nuteki». Таксама чакаецца выступ расейскага гурта «Faktor-2».
А хэдлайнерамі вечара стане вядомы рок-калектыў «Машына часу».
Асноўныя падзеі разгорнуцца на цэнтральнай плошчы Салігорска 30 жніўня.