МТС падвышае кошты з 1 верасня

Аператар МТС паведаміў аб змене кошту паслуг сувязі з 1 верасня 2014 года.

«Карэктаванне абумоўленае ўзроўнем інфляцыі, ростам курсу даляра і закране штомесячныя выплаты, галасавых выклікаў унутры сеткі і на нумары іншых аператараў на большасці тарыфных планаў, паслуг роўмінгу, а таксама праграмы «МТС-Бонус», - адзначылі ў кампаніі.

Без змен застануцца ўмовы платы за набытае ў растэрміноўку абсталяванне, а таксама кошт мабільнага інтэрнэту. На тарыфе «Выдатны» застанецца ранейшай кошт званкоў унутры сеткі і на іншыя сеткі, на «МТС смарт» і «МТС смарт+» захаваецца кошт унутрысеткавых выклікаў. Не зменяцца ўмовы для карыстальнікаў сацыяльных тарыфных планаў «Блізкі. Для пенсіянераў», «Асаблівы» і «Дзіцячы».

Як запэўнілі журналіста Onliner.by прадстаўнікі МТС, пасля падаражання выдаткі абанентаў МТС на паслугі сувязі ў сярэднім павялічацца на 6%.

Акрамя таго, аператар паведаміў аб спыненні абслугоўвання тарыфных планаў «Джынс 007» і «Супер Джынс», якія страцілі актуальнасць. Для гэтых абанентаў тарыфікацыя паслуг будзе праходзіць згодна з умовамі ТП «Джынс 007 61» і «Супер Джынс 61» адпаведна.