Іх норавы: Басейн для Міхаіла Захарава ў «Чыжоўцы-Арэне» (Фота)
73- 22.08.2014, 21:40
- 75,241
Басейн і саўну для галоўнага трэнера хакейнага клуба «Юнацтва-Менск» аформілі эксклюзіўна.
Фатаграфіямі падзяліўся з рэдакцыяй charter97.org наш чытач.
«Так выглядае басейн Міхаіла Міхайлавіча Захарава ў «Чыжоўцы-Арэне», - паведамляе сведка.
«Калі не здагадаліся хто на карціне, то пасярэдзіне ягоная дачка Крысціна, злева ў куце былая палюбоўніца Іна, справа - на ўзгорак цяперашняя палюбоўніца і ў сумяшчальніцтве маркетолаг хакейнага клуба «Юнацтва-Менск» Марына», - раскрывае сакрэты эксклюзіўнага афармлення басейна чытач Хартыі.
«У раздзявалках і ў трэнерскіх ў Чыжоўцы італьянская плітка і рамонтаў на мільярды. Ну без гэтага галоўны трэнер не настроіцца на гульню і ўсё гэта за нашы бюджэтныя бабкі ў год ашчаднасці», - адзначае сведка.
Галоўны трэнер «Юнацтва» Міхаіл Захараў вядомы сваім асаблівым стаўленнем да «прыгожых» рэчаў і раскошы. Некалькі гадоў таму адзін з «Бэнтлі», якія належаў блізкаму сябру Аляксандра Лукашэнкі, трапіў у аварыю ў цэнтры Менска. Як сцвярджалі відавочцы, набліжаны Лукашэнкі і былы трэнер зборнай Беларусі ў хакеі быў п'яны. Спачатку ўсю віну на сябе ўзяла сяброўка трэнера Марына (на фота), але пазней Захараў прызнаўся, што асабіста кіраваў дарагім аўтамабілем.