Расейскі дэсантнік: БМД узарвалі, і я зразумеў, што гэта не вучэнні, а Украіна (Відэа)

Апублікаваныя новыя кадры з допытаў расейскіх вайскоўцаў, якія трапілі ў палон у Данбасе.

25 жніўня паблізу населенага пункта Зеркальны Амвросіеўскага раёна Данецкай вобласці супольная аператыўная група Узброеных сіл Украіны і СБУ затрымала дзесяць службоўцаў 331 палка 98 Свірскай дывізіі Паветрана-дэсантных войскаў Узброеных сіл РФ (в\ч 71211), паведамляе «Інфармацыйны супраціў».

Затрыманыя далі паказанні аб тым, што батальён дэсантнікаў 23 жніўня быў перадыслакаваны чыгуначным транспартам у Растоўскую вобласць РФ, а пад тры гадзіны ночы 24 жніўня падраздзяленне было паднятае на трывогу і атрымала загад правесці марш у складзе калоны з некалькіх дзесяткаў БМД.

Толькі афіцэрскаму складу было паведамлена, што расейская тэхніка ўварвецца на тэрыторыю Украіны.

«Маю баявую машыну ўзарвалі, і толькі тады я зразумеў, што гэта не вучэнні, а рэальныя баявыя дзеянні", - распавёў баец.