Гомельскі палац Румянцавых-Паскевічаў адновяць у шакаладзе

Зрабіць гэта да канца верасня абяцае ўкраінскі кандытар.

Гомельскі палац Румянцавых-Паскевічаў адновяць у шакаладзе. Пра гэта БелТА паведаміла загадчыца аддзела ў зборы музейных матэрыялаў і экспазіцыйнай дзейнасці музея дзяржаўнай гісторыка-культурнай установы «Гомельскі палацава-паркавы ансамбль» Ганна Кузьміч.

Шакаладную копію будынку, што з’яўляецца жамчужынай культурнай і гістарычнай спадчыны паўднёва-ўсходняй часткі нашай краіны вырабіць да канца верасня ўкраінскі кандытар Мікалай Папоў, выстава работ якога «Музей шакаладу Nicolya» будзе дэманстравацца ў музеі палаца з 28 жніўня па 26 кастрычніка 2014. «Дамоўленасць аб вырабе копіі палаца з шакаладу ёсць. Адкрытым пакуль застаецца пытанне далейшага лёсу гэтай працы - альбо яна застанецца ў Гомелі, альбо будзе часткай экспазіцыі майстры з Украіны», - адзначыла Ганна Кузьміч.

Калекцыю, улічваючы асаблівасці матэрыялу, з якога яна выкананая, гамяльчане змогуць сузіраць у памяшканні з адмысловымі кліматычнымі параметрамі. «Мы будзем падтрымліваць тэмпературу не вышэй за 20 градусаў, каб шакалад, як кажуць, не паплыў», - падкрэсліла Ганна Кузьміч.

Сакрэты майстэрства Мікалай Папоў, або Nicolya, спасцігаў у акадэміях шакаладу ў Польшчы і Францыі. Прызнаны майстар гатовы падзяліцца імі з усімі жадаючымі. Плануецца правядзенне майстар-класаў у працы з шакаладам і марцыпанаў, у вырабе цукерак ручной працы.

Прадстаўленыя ў экспазіцыі працы не пакінуць абыякавымі не толькі ласуноў. Карціны, напісаныя шакаладам па шакаладу, апраўленыя ў шакаладныя рамкі, скульптуры, двухметровая Эйфелевая вежа з шакаладу, помнікі мастацтва Беларусі, зброя, маскі, прадметы побыту - гэта толькі няпоўны пералік таго, што змогуць убачыць наведвальнікі выставы.

Фота: globus.tut.by