Праваабаронца: У бальніцу Пецярбурга паступіла блізу 100 параненых вайскоўцаў

У Санкт-Пецярбург дастаўленая вялікая колькасць параненых вайскоўцаў.

Пра гэта паведаміла сябра рады пры прэзідэнце Расеі ў развіцці грамадзянскай супольнасці і правах чалавека, старшыня «вайсковых мацярок Санкт-Пецярбурга» Эла Палякова, паведамляе тэлеканал «Дождж» са спасылкай на тэлефонную размову з Паляковай.

Сёння ў Пскове таемна хавалі дэсантнікаў «Прыйшоў борт з вельмі вялікай колькасцю параненых у вайскова-медыцынскую акадэмію», - сказала яна (гаворка ідзе пра Вайскова-медыцынскую акадэміі ім. С. Кірава ў Санкт-Пецярбургу).

Паводле інфармацыі Элы Паляковай, на борце было блізу сотні параненых вайскоўцаў. Дзе і пры якіх абставінах яны атрымалі раненні, ёй пакуль невядома. Яна пераправярае гэтую інфармацыю.

Сёння стала вядома, што Эла Палякова і іншы сябра рады Сяргей Крывенка накіравалі запыт у следчы камітэт РФ з просьбай правесці расследаванне абставінаў загубы дзевяцярых кантрактнікаў 18-й мотастралковай брыгады (в/ч 27777), ураджэнцаў Дагестана. Паводле афіцыйнай версіі, яны загінулі на палігоне ў Растоўскай вобласці 9 і 11 жніўня. Як патлумачыла Палякова «Дажджу», двухтыднёвая затрымка з кірункам запыту следчым была звязаная з неабходнасцю пераправерыць інфармацыю.

Архіўнае фота