Аланд абнавіў склад урада Францыі

Пры гэтым большасць міністраў захавалі свае пасады.

Пра гэта паведамляе Agence France-Presse, піша Lenta.ru.

У новым урадзе засталіся міністры замежных спраў Ларан Фабіюс, абароны Жан-Іў Ле Дрыян, унутраных спраў Бернар Казнеў, фінансаў Мішэль Сапен. Таксама свае пасады захавалі кіраўнікі міністэрства экалогіі і энэргетыкі Сегален Руаяль і міністэрства юстыцыі Крысціян Табіра.

Змены закранулі міністэрствы адукацыі і эканомікі. Кіраўнікамі гэтых устаноў сталі Эмануэль Макрон, які раней працаваў у адміністрацыі прэзідэнта і Наджат Вала Бэлькасэм адпаведна.

25 жніўня ўрад Францыі на чале з прэм'ер-міністрам Мануэлем Вальсам падаў у адстаўку. Аланд задаволіў просьбу, пры гэтым Вальс захаваў сваю пасаду. Яму было даручана сфармаваць новую каманду «ў адпаведнасці з тым курсам, які прэзідэнт вызначыў для Францыі».

Адстаўка ўрада рушыла следам праз дзень пасля заявы міністра эканомікі Арно Монтэбура. 24 жніўня ён рэзка раскрытыкаваў эканамічную палітыку ЕЗ, якую вызначае Нямеччына, і заявіў, што Парыж не мае намеру больш ісці на повадзе ў Бэрліна. Са слоў Монтэбура, палітыка жорсткай эканоміі, якую Бэрлін навязаў Еўропе, вядзе да росту беспрацоўя.