У адказ на санкцыі Расеі Air Moldova ўключыла яблыкі ў бартавое харчаванне

Авіякампанія Air Moldova пачала даваць сваім пасажырам на борце яблыкі.

Пра гэта паведамляе avianews.com. Такую пастанову авіяперавознік прыняў, каб падтрымаць малдоўскіх сельскагаспадарчых вытворцаў. Расея забараніла ім увозіць яблыкі на сваю тэрыторыю.

Штомесяц Air Moldova перавозіць амаль 60 тысяч пасажыраў.

Урад Малдовы ўжо заявіў аб падтрымцы гэтай ініцыятывы авіяперавозніка, а сама Air Moldova заклікала рушыць следам свайму прыкладу іншым кампаніям, праявіўшы агульнанацыянальную салідарнасць.