Нетаньяху заявіў пра перамогу над рухам ХАМАС

Прэм'ер-міністр Ізраіля заявіў на прэс-канферэнцыі пра перамогу ў 50-дзённым канфлікце ў Газе.

Са слоў Біньяміна Нетаньяху, палестынскаму руху ХАМАС была нанесеная значная шкода, і ён цяпер знаходзіцца ў палітычнай ізаляцыі. Ізраіль змог знішчыць сотні пазіцый тэрарыстаў, а таксама тысячы іх ракет, паведамляе BBC.

Прэм'ер-міністр Ізраіля таксама адзначыў, што наземная вайсковая аперацыя прывяла да доўгачасовай дэмілітарызацыі Газы.

Карэспандэнты, якія працуюць у зоне канфлікту, мяркуюць, што заявы Нетаньяху могуць быць адказам на крытыку дзеянняў улады праз тое, што абвешчанае перамір'е не прывяло да канчатковага выцяснення ХАМАС.