На фестывалі «Рок па вакацыях» выступіць гурт Н.О.М.
1- 28.08.2014, 16:09
- 4,258
Штогадовы фестываль «Рок па вакацыях» пройдзе 19 верасня ў клубе Re: Public.
Канцэрт будзе складацца з двух частак: у першым аддзяленні выступяць гурты Drum Extasy, Nizkiz, The UNB, Pomidor/Off і «Крама», а ў другім адбудзецца сольны канцэрт піцерскага гурта Н.О.М.
Пра гэта charter97.org паведамілі арганізатары фестывалю.
Фестываль «Рок па вакацыях» - знакавае мерапрыемства для сучаснай беларускай культуры. У пачатку 90-х у маладой беларускай рок-супольнасці ўзнікла ідэя зладзіць для школьнікаў і студэнтаў свята нефармальных стасункаў пасля летняга адпачынку і паказаць гатовасць музыкаў да новага канцэртнага сезону, піша ultra-music.com.
Першы фэст адбыўся 1 верасня 1993 года і да 1998 года праходзіў штогод. Пасля наступіла працяглая паўза. З новымі арганізатарамі «Рок па вакацыях» адрадзіўся ў 2008 годзе і зноў праходзіць штогод.
Фота: Pushka Photo