Reuters: У баі пад Снежным загінулі больш за сто расейскіх жаўнераў

У баі пад Снежным Данецкай вобласці 13 жніўня загінулі больш за 100 жаўнераў РФ.

Пра гэта паведамляе агенцтва Reuters са спасылкай на двух сябраў Рады правоў чалавека пры прэзідэнце Расеі, якія мелі зносіны са сведкамі бою і сваякамі загінулых, паведамляе УНІАН.

Эла Палякова і Сяргей Крывенка, сябры Рады, паведамілі, што больш за 300 чалавек былі параненыя пасля абстрэлу «Град» калоны вайсковай тэхнікі.

«Калона расейскіх жаўнераў была атакаваная «Град», і больш за сто чалавек загінулі. Гэта ўсё адбылося ў Снежным Данецкай вобласці», - паведаміў агенцтву Крывенка праз тэлефон. Такую ж лічбу назвала і Эла Палякова.