Расейскі аператар «Авіячартэр ДВ» спыніў працу
3- 29.08.2014, 10:00
- 4,726
Далёкаўсходні тураператар «Авіячартэр-ДВ» паведаміў аб прыпыненні дзейнасці праз немагчымасць выконваць свае абавязанні перад турыстамі.
Пра гэта гаворыцца на сайце кампаніі, перадае BBC.
Тураператар займаўся пералётамі на выспы Гуам і Сайпан у Ціхім акіяне.
Адказнасць авіяброкера была застрахаваная на 30 мільёнаў рублёў у страхавой кампаніі «Узыходжанне», ліцэнзію ў якой на мінулым тыдні адклікаў Цэнтрабанк.
Раней аб адмове выконваць рэйсы тураператара праз пазыкі заявіла кампанія «Арэнбургскія авіялініі», піша ІТАР-ТАСС.
«Авіячартэр-ДВ» падала на перавозніка ў суд. Дзякуючы ўмяшанню Расавіяцыі «Арэнбургскія авіялініі» пагадзіліся вывезці кліентаў тураператара з выспаў.