Андэрс фог Расмусэн: Мы знаходзімся на пераломным этапе гісторыі

NATO будзе абараняць усіх хаўруснікаў супраць усялякай пагрозы.

Аб гэтым заявіў Генеральны сакратар альянсу Андэрс Фог Расмусэн, піша ru.DELFI.lt.

"Мы знаходзімся на пераломным этапе гісторыі: у той час як мы ўспамінаем пра спусташэнне Першай сусветнай вайны, нашы мір і бяспека чарговым разам зазнаюць выпрабаванні", - сказаў ён, выступаючы разам з прэм'ер-міністрам Вялікабрытаніі Дэвідам Кэмеранам пасля сустрэчы з гетманам сіла NATO у Еўропе генералам Філіпам Брыдлавам.

"Цяпер [яны выпрабоўваюцца] расейскай агрэсіяй супраць Украіны. І злачыннае знішчэнне самалёта MH17 выразна нагадвае нам, што канфлікт у адной частцы Еўропы можа мець трагічныя наступствы ва ўсім свеце, - падкрэсліў генеральны сакратар NATO. - NATO рашуча настроена абараняць усіх хаўруснікаў супраць усялякай пагрозы. Мы зрабілі тэрміновыя захады для ўмацавання нашай калектыўнай абароны ў паветры, на моры, і на сушы".

Сустрэча адбылася ў рамках візіту прэм'ер-міністра Вялікабрытаніі ў штаб-кватэру стратэгічнага штаба СУС NATO блізу бэльгійскага горада Монс (SHAPE).

Фог Расмусэн паведаміў, што генерал Брыдлав праінфармаваў яго і Кэмерана аб сваёй ацэнцы апошніх падзей ва Украіне.

"Цяпер мы рыхтуем важныя пастановы, якія будуць прынятыя на сустрэчы ў вярхах на Уэльсе ў пачатку верасня. Гэты саміт будзе паваротным момантам. Мы прымем план дзеянняў для падвышэння нашай гатоўнасці ў зменлівым свеце. Мы ўважліва аналізуем свае патрэбы ва ўзброеных сілах, вызначаем, дзе яны павінны быць разгорнутыя, а таксама хуткасць іх рэагавання і спосабы іх умацавання", - сказаў генеральны сакратар NATO.

"Мы пераглядаем нашыя планы абароны, распрацоўваем новы графік вучэнняў і разглядаем шлях умацавання Сіл рэагавання NATO. Такім чынам, каб мы маглі хутка рэагаваць на кожны выклік, стары або новы, з усходу альбо з поўдня", - падкрэсліў ён.

"Гэта амбіцыйныя планы, і нам патрэбныя адпаведныя рэсурсы. Я чакаю ад саміту цвёрдага абавязання чальцоў альянсу больш інвеставаць у абарону згодна з аднаўленнем эканомікі... Нам трэба будзе яшчэ нямала зрабіць, але нашая сустрэча на вышэйшым узроўні вельмі выразна прадэманструе, што Паўночнаатлантычны саюз па -ранейшаму моцны, знаходзіцца ў стане гатоўнасці і рашучасці", - сказаў Фог Расмусэн.