Попыт на валютныя аблігацыі Мінфіна ў ліпені быў амаль нулявым

Попыт на валютныя аблігацыі Мінфіна значна ўпаў.

Так, у ліпені ўстанова рэалізавала нязначную колькасць аблігацый для юрыдычных асоб, размяшчэнне якіх праводзіцца праз ААТ «Беларуская валютна-фондавая біржа».

Паводле паведамлення, з красавіка да 1 жніўня Мінфін прадаў аблігацыі 123, 124, 126 і 128 выпускаў на агульную суму 75,2 млн даляраў ЗША і 13,8 млн еўра. У прыватнасці, размешчана 46% ад сумы эмісіі аблігацый 123 выпуску, 4,2% - 124 выпуску, 25% - 126 выпуску і 27,5% - аблігацый 128 выпуску, піша bdg.by.

Аблігацыі 123, 124, 126 выпускаў намінаваныя ў далярах (агульная сума эмісіі 300 млн), 128 - у еўра (сума эмісіі 50 млн).

У той жа час за ліпень Мінфіну ўдалося прадаць аблігацый у далярах усяго на 1 млн даляраў ЗША, попыту на аблігацыі ў еўра не было (у чэрвені сума размяшчэння даляравых ДДА складала 0 млн даляраў, у еўра - 12,3 млн еўра).

Мінфін РБ пазычае валюту на ўнутраным рынку для абслугоўвання замежнай запазычанасці краіны. Раней паведамлялася, што ў 2014 годзе Міністэрства фінансаў плануе прыцягнуць да 900 млн даляраў з дапамогай размяшчэння дзяржаўных валютных аблігацый. Мяркуецца, што аблігацыі на 100 млн даляраў будуць размешчаныя сярод фізічных асоб, а каштоўныя паперы яшчэ на 800 млн набудуць юрыдычныя асобы.