Ролік МНС сабраў больш за мільён праглядаў на YouTube
14- 5.08.2014, 16:58
- 21,051
Сацыяльны ролік МНС «Вечная памяць нецвярозым купальшчыкам» сабраў больш за мільён праглядаў на сэрверы YouTube.
Пра гэта сайту charter97.org паведамілі ў прэс-службе міністэрства.
«Ролік аб сацыяльным эксперыменце, створаны сумесна з рэкламным агенцтвам TDI Group, сабраў больш за мільён праглядаў на папулярным відэахостынгу Youtube. Акрамя гэтага, сюжэты з ролікам выйшлі на буйнейшых беларускіх, расейскіх і польскіх тэлеканалах», - адзначылі ў ведамстве.
У роліку раскрываецца праблема купання ў нецвярозым выглядзе. Аўтары пастараліся данесці інфармацыю аб наступствах такога адпачынку да шырокага кола людзей. «У сетцы інтэрнэт мы атрымалі вялікую колькасць станоўчых водгукаў на нашу працу», - падкрэслілі ў МНС.