Расея патрабуе склікання Рады бяспекі ААН

Расея звярнулася да Рады бяспекі ААН з просьбай правесці экстраную нараду што да сітуацыі ва Украіне.

Пра гэта заявіў пастаянны прадстаўнік РФ пры арганізацыі Віталь Чуркін, паведамляе ІТАР-ТАСС.

«Мы склікаем тэрміновае пасяджэнне Рады Бяспекі што да гуманітарнай сітуацыі ва Украіне», - паведаміў ён.

Са слоў Чуркіна, Масква разлічвае правесці сустрэчу а 17:00 паводле нью-йоркскага часу (00:00 паводле менскага). Сталы прадстаўнік Расеі таксама адзначыў, што брытанская старана выступіў супраць экстранага склікання Рады бяспекі. «Былі выпадкі, калі сустрэчы склікаліся і за больш кароткі тэрмін», - падсумаваў Чуркін.

Раней у аўторак МЗС Расеі паведаміла пра гатоўнасць ААН, Міжнароднага камітэта Чырвонага крыжа і Міжнароднай арганізацыі ў міграцыі абмяркоўваць разгортванне гуманітарнай місіі ва Украіне. Украінскія ўлады, са слоў расейскіх дыпламатаў, адмаўляюцца прызнаваць факт гуманітарных праблем на паўднёвым усходзе краіны. Замежнапалітычнае ведамства заклікала міжнародную супольнасць аказаць неадкладную дапамогу жыхарам Данецкай і Луганскай абласцей.