Хакеіст з Масквы абабраў спадарожніка падчас паездкі ў Ліду

25 чалавек, якія з'яўляюцца чальцамі хакейнай каманды, ехалі з Масквы ў Ліду для правядзення трэніровачных збораў.

Падчас руху цягніка над адным з чальцоў каманды спаў расеец, які на час сну не зачыніў сваю дарожную сумку. Пры пад’ездзе да станцыі Ліда, з сумкі на падлогу сталі выпадаць рэчы: гаманец з грашыма, банкаўская картка з пін-кодам, пасведчанне кіроўцы. Убачыўшы тое, што адбываецца, падлетак, доўга не думаючы, стаў збіраць іх і класці сабе ў сумку, паведамляе s13.ru.

Пасажыры, якія знаходзіліся ў гэтым вагоне, не маглі назіраць за тым, што адбываецца, бо ў гэты момант спалі. Пасля прыбыцця цягніка ў Ліду, чальцы хакейнай каманды выйшлі на перон і накіраваліся хто куды.

Выявіўшы прапажу сваіх рэчаў, грамадзянін РФ паведаміў аб тым, што адбылося, у транспартную міліцыю Гародні. Дзякуючы зладжаным і прафесійным дзеянням супрацоўнікаў Лідскага АУС на транспарце, непаўнагадовы злачынец быў знойдзены. Цяпер у дачыненні да яго распачатая крымінальная справа паводле ч.1 арт. 205 КК Рэспублікі Беларусь (Крадзеж).

Хлопцу цяпер не да трэніровак, яму пагражае ці штраф, ці пазбаўленне волі да трох гадоў.