У Віцебску ля будынка РАУС разлілі ртуць
3- 8.08.2014, 11:15
- 9,144
На ганку будынка была разбітая ёмістасць са ртуццю.
Пра гэта сайту charter97.org паведамілі ў прэс-службе МНС.
«8 жніўня ў гадзіну ночы ў цэнтр аператыўнага кіравання Віцебскім выратавальнікам ад дзяжурнага Кастрычніцкага РАУС паступіла паведамленне аб тым, што на ганку будынка была разбітая ёмістасць са ртуццю.
Да месца выкліку былі накіраваныя спецыялісты службы хімічнай і радыяцыйнай абароны пажарнага аварыйна-выратавальнага атрада Віцебскага абласнога ўпраўлення МНС.
Пасля прыбыцця да месца выкліку ратавальнікаў высветлена, што непрацуючы грамадзянін, які рухаўся ў нецвярозым стане ў будынак РАУС, для таго каб, з ягоных слоў, здаць ёмістасць са ртуццю, спатыкнуўся на ганку і, упаўшы, разбіў. Каля будынку разлілося блізу 50 грам небяспечнага металу», - адзначылі там.
Работнікамі МНС ртуць была сабраная і канфіскаваная для далейшай утылізацыі. Пагрозы жыццю і здароўю людзей няма.
Фота: МНС