Вікторыя Азаранка: Якасць маёй гульні безумоўна ўзрасла
4- 8.08.2014, 11:27
- 5,398
Беларуская тэнісістка Вікторыя Азаранка пракаментавала перамогу над Хізэр Уотсан ў 1/8 фіналу на турніры ў Манрэалі.
Наступная спаборніца беларускі - Агнешка Радваньска, піша «Прессбол».
«Я пачала сустрэчу сапраўды добра, а галоўнае, што змагла падтрымліваць канцэнтрацыю і гэты ўзровень гульні ўвесь паядынак. У другім сэце прыйшлося цяжка - Хізэр зайграла больш агрэсіўна. Я адчула, што перастаю быць дамінуючай сілай на корце, як гэта ўжо здаралася ў пары папярэдніх гульняў. Але калі спатрэбілася, я вярнула ініцыятыву ў свае рукі. Я была агрэсіўнай і добра рухалася. Якасць маёй гульні безумоўна ўзрасла ў параўнанні з першым матчам турніру. Я выкарыстала значна больш шанцаў, чым у папярэдняй сустрэчы», - заявіла Азаранка.
Фота: USA TODAY