На рынках забаранілі продаж хатняга мяса
5- 9.08.2014, 10:27
- 20,928
На гандлёвых месцах рынкаў і з рук забаронена гандляваць мяснымі прадуктамі хатняга прыгатавання.
Як стала вядома charter97.org, такі парадак вызначаны ў пастанове ўрада №686.
Усяго ў спісе забароненых да продажу тавараў 39 пазіцый. Сюды ўвайшлі прадукты хатняга прыгатавання з мяса і рыбы, кандытарскія вырабы, прыгатаваныя ў хатніх умовах, вяленае і сыравэнджанае мяса, мясны фарш, катлеты, халадзец, каўбасныя вырабы, вантрабянкі, вэнджаныя мясныя прадукты, шпік салёны і вэнджаны, сечаныя мясныя паўфабрыкаты хатняга прыгатавання.
Не дапускаюцца да продажу на рынках разрэзаныя бахчавыя культуры пры адсутнасці ўмоў для апрацоўкі інвентара і індывідуальнай упакоўкі.
Таксама не дазволена гандляваць мукой, цукрам, крупамі, макаронамі, ня расфасаванымі ў спажывецкую тару вытворцамі або юрыдычнымі асобамі, якія маюць адпаведны сертыфікат.