Беларускі баксёр параўнаў горад у Расеі з «пятай мясцінай»
12- 11.09.2014, 9:35
- 16,892
Сталіцу Якуціі параўналі з паляндвічнай часткай чалавека.
Гэтым разам гэткія паралелі правёў 18-гадовы баксёр з Беларусі Дзмітрый Асанаў. Гэтымі днямі ў Якуцку праходзіць чэмпіянат свету ў боксе сярод студэнтаў, спаборніцтвы праводзяцца ў спартовым комплексе "Трыюмф". Спартоўцаў размясцілі ў інтэрнаце вучэльні алімпійскага рэзэрву ў раёне 17 квартала.
Знаёмства з Якуцкам у Асанава не зладзілася першапачаткова, бо ён не здолеў узяць удзел у чэмпіянаце праз неадпаведнасць правілам спаборніцтваў. На другі дзень пасля прылёту беларус змясціў у сябе ў "Instagram" фота з акна інтэрната з відам на драўляныя хаты 17-квартала і суправадзіў тэкстам-уражаннем.
Праз пэўны час пост Асанава падпаў пад моцную крытыцы з боку якуцян, і спартовец наважыў яго выдаліць. Як паведамілі News.Ykt.Ru ў прэс-службе чэмпіянату, магчыма, негатыўная ацэнка спартоўца выкліканая тым, што ён не здолеў узяць у ім удзел. Больш падрабязны камэнтар будзе апублікаваны пазней. Сам баксёр ад тлумачэнняў адмовіўся, заявіўшы, што "не будзе нічога казаць".
Адзначым, што Дзмітрый Асанаў з'яўляецца чэмпіёнам Еўропы сярод юніёраў у Балгарыі.
Нагадаем, раней аналагічнае параўнанне правёў вядомы блогер і дызайнер Арцемій Лебедзеў, што гасцяваў у Якуцку.