У Мсціславе беспрацоўны збіў пакаёўку дзеля 400 тысяч рублёў
- 11.09.2014, 11:39
- 6,035
Мужчына зайшоў з газавым балончыкам у гасцініцу і накінуўся на пакаёўку.
Пра гэта charter97.org паведамілі ў прэс-службе УУС Магілёўскага аблвыканкама.
«10 верасня Мсціслаўскім РА СК распачатая крымінальная справа паводле арт. 207 ч. 1 КК (разбой) у дачыненні да беспрацоўнага, раней неаднаразова судзімага, жыхара вёскі Хадосы Мсціслаўскага раёна, 1987 года нараджэння. 9 верасня ён а 23:50 зайшоў у гасцініцу «Мсціслаў», з ужываннем газавага балончыка выпусціў струмень газу, збіў пакаёўку названай гасцініцы і завалодаў 369.550 руб. Мужчына быў затрыманы», - адзначылі там.