Картэж прынца Гары трапіў у ДТЗ у цэнтры Лондана
2- 12.09.2014, 10:53
- 7,010
Каля Лонданскага заапарка адзін з паліцэйскіх матацыклаў картэжа прынца Гары на вялікай хуткасці ўляцеў ў аўтамабіль таксі.
Аб гэтым піша The Telegraph.
Кіроўцу матацыкла адкінула наперад на 9 м, кіроўца таксі на Toyota Prius таксама пацярпеў. Абодва яны былі шпіталізаваныя, піша «Газета.Ru».
Range Rover, у якім знаходзіўся прынц Гары, паводле правілаў антытэрарыстычнай бяспекі адразу не спыніўся, а праехаў некалькі сотняў метраў. Адзначаецца, што сам прынц знаходзіўся ў шоку.
«Прынц быў увесь дзень вельмі занепакоены, хацеў пераканацца, што з пацярпелымі усё ў парадку. Ён з палёгкай даведаўся, што яны знаходзяцца ў стабільным стане», - заявіў ягоны прэс-сакратар.
Паводле дадзеных відавочцаў, аўтамабіль прынца ў суправаджэнні чатырох матацыклаў паліцыі «нёсся на шалёнай хуткасці».
Паліцыя праводзіць праверку таго, што адбылося.
Фота: Dougie Allward/JMP/REX