Лукашэнка: «Гэта прарыў у краіне. Гэта даражэйшае за золата і ЗВР»

Правадыр даручыў стварыць у кожнай вобласці селекцыйна-племянныя малочныя фермы.

Такую задачу паставіў ён сёння, наведваючы ГП "ЖодзінаАграПлемЭліта", паведамілі charter97.org у ягонай прэс-службе.

Як было паведамлена Лукашэнку, 41% малочнага статка ў краіне засяроджана на прамысловых прадпрыемствах. Для такога спосабу гадоўлі жывёлы патрэбныя адпаведныя для гэтага жывёлы. Вядзецца праца для стварэння такой беларускай пароды. Перад навукай стаіць задача да 2020 года развязаць праблему забеспячэння ферм уласным племянным статкам. Для гэтага ў кожнай вобласці трэба ствараць адпаведныя селекцыйна-племянныя малочныя фермы.

"Гэта прарыў у краіне. Гэта даражэйшае за золата і золатавалютныя рэзервы", - мяркуе ён.

Лукашэнка даручыў да 1 кастрычніка падаць яму нарматыўна-прававы акт, у якім будуць дэталёва прапісаныя ўмовы, якія спрыяюць стварэнню такіх ферм. "Такім чынам, у нас будзе 7 ферм. І тады мы атрымаем добры племянны матэрыял", - адзначыў ён.

Правадыр азнаёміўся з вытворчымі працэсамі працы селекцыйна-племянной малочнай фермы ГП "ЖодзінаАграПлемЭліта". Гэта сельгасарганізацыя была перададзеная НПЦ НАН Беларусі ў жывёлагадоўлі для стварэння інавацыйных жывёлагадоўчых аб'ектаў. У прыватнасці, тут размяшчаецца племянная рэпрадуктыўная ферма на 500 асноўных свінаматак, малочна-таварная ферма на 850 кароў з высокім генетычным патэнцыялам, селекцыйна-племянная малочная ферма на 350 кароў, доследна-эксперыментальная свінагадоўчая школа-ферма, каркасна-тэнтавыя памяшканні для ўтрымання свінняў. Паводле вынікаў 2013 малочна-таварная ферма на 850 кароў уваходзіць у дзесятку найлепшых у краіне. У вытворчасці малака доля гатунку экстра склала 92% пры рэнтабельнасці больш за 30%. Племянная рэпрадуктыўная ферма ў спалучэнні з будаваным рэпрадуктарам на 1 тысячу свінаматак павінна стаць асновай для фармавання ў краіне сучаснай селекцыйна-племянной сістэмы новага тыпу ў свінагадоўлі, на базе якой будзе забяспечанае паскоранае заканчэнне стварэння айчыннага таварнага гібрыду свіней.

"Вы не павінны ператварыць гэта ў звычайнае высокадаходнае рэнтабельнае прадпрыемства. Гэта толькі адзін з бакоў, - падкрэсліў Лукашэнка. - Вы павінны тут прадставіць нам бясспрэчныя тэхналогіі".