Анатоль Байдачны: Больш ніколі не буду трэніраваць зборную Беларусі

Вядомы трэнер распавёў аб сваёй адстаўцы з пасады кіраўніка зборнай Беларусі.

З ягоных слоў, пастанова аб гэтым у 2005 годзе было прынятая «на самым версе». Пра гэта Анатоль Байдачны заявіў у сваім блогу на сайце «Трыбуна».

«Усё праходзіла паступова, - піша ён. - Спачатку проста нагняталася абстаноўка, хоць уся прэса была за мяне. Але тады не мелі значэння ні гульня, ні вынік. Гэта не з'яўляецца галоўным фактарам, калі ёсць людзі, якім ты не мяшаеш, калі гэтыя людзі валодаюць уладай...Тут гульня не дапаможа. Амбіцыі гэтых людзей становяцца вышэй усякай справы. Я да сваёй адстаўкі ставіўся з усмешкай. Але зарокся: больш ніколі не буду трэніраваць зборную Беларусі.

У той час кіраўніцтва федэрацыі нічога не вызначала. Былі іншыя людзі. Пытанне аб маёй адстаўцы разглядалася на самым версе. Проста «добразычліўцы» далажылі сваю пазіцыю кіраўніку дзяржавы, які і аддаў такое распараджэнне. Так што ў федэрацыі ніхто нічога не мог зрабіць. Каб тады абараніць мяне, патрабаваўся моцны чалавек. Генадзь Нявыглас не быў такім. Хоць я разумею яго. Хто я для Нявыгласа? Ды ніхто. Так што да ўсяго трэба ставіцца па-філасофску.

Я вось пра што шкадую. Пасля ў нас былі такія групы ў кваліфікацыі, што калі б захавалася мая каманда, мы б выканалі задачу выхаду на топ-турнір. Гэта крыху засмучае, але не моцна. Я апошні час думаю: чалавека хтосьці вядзе па жыцці. І нават пашанцавала, што я пазбавіўся працы. Так атрымалася, мне трэба было рабіць аперацыю на сэрцы. Падчас працы проста калола рука. А калі прайшоў абследаванне, мне сказалі, што ў выпадку перадінфарктнага стану я працягнуў бы тры секунды. Бо так часта бывае, калі чалавек жыве і не адчувае, што моцна хворы. А працуючы, я б не прайшоў тое абследаванне...Вось тады я зразумеў, што само жыццё важней за ўсё. Так што я ні на каго не крыўдую».

Анатоль Байдачны трэніраваў зборную Беларусі з 2003 па 2005 гады.