Генпракуратура Украіны: «Беркут» мае дачыненне да забойства на Майдане
18- 12.09.2014, 20:26
- 25,225
Следчыя завяршылі дасудовае расследаванне супраць камандзіра роты «Беркута» і яго двух падначаленых.
Пра гэта сайту charter97.org паведамілі ў Генпракуратуры Украіны.
Дасудовым расследаваннем высветлена, што падазроныя, выконваючы ўказанні кіраўніцтва, раніцай 20 лютага 2014 на вуліцы Інстытуцкай ў Кіеве ўчынілі наўмыснае забойства 39 удзельнікаў акцый пратэсту.
Падазраваным, іх абаронцам, а таксама пацярпелым і іх прадстаўнікам накіраваныя апавяшчэнні аб завяршэнні расследавання і прадстаўленні доступу да матэрыялаў следства.
Працягваецца расследаванне ў дачыненні да іншых саўдзельнікаў, у тым ліку былых высокапастаўленых чыноўнікаў.
Акрамя гэтага, следчыя ГПУ працягваюць працу над высвятленнем абставінаў забойства іншых удзельнікаў пратэстаў у перыяд студзень-люты 2014, а таксама нанясення агнястрэльных раненняў 180 мітынгоўцам.
У сувязі з вялікім аб'ёмам назначаных у справе экспэртыз і неабходнасцю правядзення цэлага шэрагу следчых і працэсуальных дзеянняў, расследаванне паводле гэтых фактаў працягваецца.
Нагадаем, яшчэ ў канцы траўня першы віцэ-прэм'ер-міністр Украіны Віталь Ярэма заявіў, што следства выявіла вінаватых у забойстве 46 актывістаў Майдана, якія загінулі 18-20 лютага падчас сутыкненняў.