Беларусы заваявалі два «срэбра» на турніры серыі Гран-пры ў таэквандо

Ілля Какшынцаў і Арман-Маршал Сіла заваявалі сярэбраныя ўзнагароды на міжнародных спаборніцтвах у Маскве.

Пра гэта паведамляе БелТА.

Ілля Какшынцаў заняў 2-е месца ў вагавой катэгорыі да 54 кг. У фінальным паядынку ён саступіў расейцу Міхаілу Артамонаву (4:7). Найбольш паспяховы ў гэтым сезоне беларускі майстар таэквандо Арман-Маршал Сіла таксама апынуўся другім у вазе звыш 87 кг. Перад галоўным медальным паядынкам ён паводле медыцынскіх паказаннях зняўся са спаборніцтваў. На пятае месцах у сваіх катэгорыях завяршылі і беларусы Уладзіслаў Галізін (68 кг), Мікіта Лагун (87 кг) і Кацярына Ліс (53 кг).

Паспяховы выступ на турнірах серыі Гран-пры дазваляе спартоўцам павышаць колькасць рэйтынгавых балаў, якія будуць пасля ўлічвацца пры кваліфікацыі на летнія Алімпійскія гульні 2016. Нядаўна Сусветная федэрацыя таэквандо (WTF) абнавіла рэйтынгі спартоўцаў у алімпійскіх і неалімпійскіх катэгорыях. У неалімпійскай вазе найвышэйшы сусветны рэйтынг сярод беларускіх спартоўцаў мае чэмпіён Еўропы-2014 Арман-Маршал Сіла. У катэгорыі звыш 87 кг ён займае 20-ы радок (42,70 бала). Ілля Какшынцаў 23. У катэгорыі да 54 кг (25,04). Вядучая беларуская таэквандзістка ў вазе да 53 кг Кацярына Ліс на 89-м месцы. Што тычыцца алімпійскіх катэгорый, то найвышэйшы рэйтынг у іх сярод беларускіх спартоўцаў таксама мае Арман-Маршал Сіла. У вазе звыш 80 кг ён займае 34-е месца. 59-е месца ў вагавой катэгорыі да 58 кг займае Ілля Какшынцаў. У жанчын да 67 кг 63-е месца ў Вікторыі Беланоўскай. У вазе да 57 кг беларускіх спартовак няма ў першай сотні: Дар'я Зубовіч на 136-м месцы, Кацярына Ліс - на 189-м.