Новы расісцкі скандал у беларускім футболе

За пару гадоў скандалы на расісцкай глебе дапаўзлі ад вышэйшай лігі да другой.

Новы сюжэт нарадзіўся ў канцоўцы матчу «Крумкач» - «Нёман» Масты. Цемнаскураму абаронцу «крумкачоў» Нестару Ебабісэ Молі дасталася ў сварцы ад форварда гасцей Андрэя Балейкі. Суддзя быў побач - і пакараў вінаватага чырвонай карткай. Аднак пасля фінальнага свістка разборкі перайшлі на прынцыпова новы ўзровень, піша «Прессбол».

Сварка разгарэлася на 83-й хвіліне, калі пасля стыку Андрэй Балейка пасварыўся з Ебабісэ Молі. І гэта самая простая для разбору сітуацыя: абаронца «Крумкачоў» паказвае на факт расісцкіх абраз, заўважаючы, што ўсё чуў суддзя сустрэчы, а форвард «Нёмана» не адмаўляе, што не стрымаўся. Чырвоная картка, магчымыя наступствы, але эпізод зайграе.

Далей падзеі разгортваліся не так адназначна. Прынамсі, бакі канфлікту ў іх інтэрпрэтацыі разыходзяцца. Андрэй Балейка згадвае, што пасля фінальнага свістка камерунец падышоў да яго і нанёс удар у патыліцу, аднак у пратаколе сустрэчы гэты эпізод не адлюстраваны. Затое рэферы адзначыў іншы момант: як Ебабісэ Молі ўдарыў галавой хаўбэка «Нёмана» Аляксандра Шота.

Пацярпелы сцвярджае, што яму дасталася наогул ні за што. Магчыма нават, камерунец проста пераблытаў яго з Балейкам. Аднак абаронца «Крумкачоў» настойвае, што і ў гэтым выпадку яго справакавалі расісцкія выказванні.

Дысцыплінарнаму камітэту БФФ яшчэ трэба будзе сур'ёзнае разбірацца ў гэтым пытанні. Мы ж пакуль прывядзем каментары ўсіх дзеючых асоб.