Данія падвоіла тэрытарыяльныя прэтэнзіі ў Арктыцы

Данія збіраецца заявіць ААН аб сваіх выключных правах на 400 тысяч квадратных кіламетраў марскога дна вакол Паўночнага полюса.

Гэта ўдвая больш, чым раней, акрамя таго, тэрытарыяльныя прэтэнзіі распаўсюджваюцца на сферу інтарэсаў Канады, піша Information.

Патрабаванні абумоўленыя тым, што Канада парушыла папярэдняе пагадненне з Даніяй аб будучай дэмаркацыі арктычных тэрыторый, накіраваўшы ў снежні мінулага года два ледаколы ў арктычны рэгіён, піша NEWSru.com.

Гэта сцвярджаецца ў кнізе журналіста і спецыяліста ў праблемах Арктыкі Марціна Брэўма «Балада пра Грэнландыю», якая паступіла ў продаж сёння, 16 верасня. Акрамя таго, інфармацыя пацверджаная ў МЗС Даніі, піша газета.

Грэнландскі ўрад таксама разглядае справу як надзвычай сур'ёзную. «Гэта вельмі сур'ёзнае пытанне, і каралеўства павінна адстойваць свае інтарэсы. Праблема Паўночнага полюса і іншых арктычных тэрыторый мае велізарную важнасць для нашай будучыні», - заявіла ў інтэрв'ю газеце грэнландская прэм'ер-міністр Алека Хаманд.

Паводле міжнароднага права, Паўночны полюс і прылеглы да яго рэгіён Паўночнага Ледавітага акіяна не належаць ніводнай краіне. Аднак так званая арктычная пяцёрка (Канада, Данія, Нарвегія, Расея і ЗША) валодае правамі на 370-кіламетровую выключную эканамічную зону ля сваіх берагоў. Тэрыторыю за ёй курыруе агенцтва ААН International Seabed Authority.

Пасля ратыфікацыі Канвенцыі ААН у марскім праве гэтым краінам прадстаўлены дзесяцігадовы перыяд на вылучэнне патрабаванняў у пашырэнні сваёй зоны. Нарвегія, Расея, Канада і Данія запусцілі праекты для абгрунтавання сваіх прэтэнзій аб прыналежнасці арктычных тэрыторый.

У 2008 годзе пяць прыбярэжных арктычных дзяржаў - Расея, Канада, ЗША, Нарвегія і Данія (разам з Грэнландыяй) дамовіліся развязаць пытанне аб дэмаркацыі межаў у Арктыцы мірнымі сродкамі.

Прынамсі Расея рыхтуецца правесці авіяцыйныя вучэнні ў Арктыцы. Знішчальнікі, бамбардзіроўшчыкі, транспартная і вайсковая авіяцыя Заходняй вайсковай акругі (ЗВА) будуць задзейнічаныя ў лётна-тактычных вучэннях у арктычным рэгіёне, паведаміў у аўторак «Інтэрфаксу» начальнік прэс-службы ЗВА Алег Качаткоў .