У Расеі арыштаваны мільярдэр Уладзімір Еўтушэнкаў
30- 16.09.2014, 21:41
- 36,967
У Расеі быў узяты пад хатні арышт старшыня рады дырэктараў ААТ АФК "Сістэма" Уладзімір Еўтушэнкаў.
Аб гэтым паведамляецца на сайце Следчага камітэта Расеі.
Арышт мільярдэра звязаны з "крымінальнай справай паводле факту крадзяжу акцый прадпрыемстваў, якія ўваходзяць у паліўна-энэргетычны комплекс Рэспублікі Башкартастан, і іх легалізацыі".
"У следства ёсць дастатковыя падставы меркаваць, што да легалізацыі (адмывання) маёмасці, набытага злачынным шляхам датычны Старшыня рады дырэктараў ААТ АФК "Сістэма" Уладзімір Еўтушэнкаў. Сёння яму выстаўленае абвінавачванне ў легалізацыі (адмыванні) грашовых сродкаў", - паведамляе СК.