Уладзіслаў Баўмгэртнэр на волі
8- 17.09.2014, 12:59
- 8,988
Былы кіраўнік ААТ «Уралкалий» Уладзіслаў Баўмгэртнэр вызвалены блізу двух тыдняў таму.
Пра гэта заявіў цяперашні дырэктар прадпрыемства Дзмітрый Осіпаў у інтэрв'ю The Wall Street Journal (пераклад - charter97.org). Ён сказаў, што бачыўся са сваім папярэднікам, аднак адзначыў, што яшчэ занадта рана для перамоваў аб вяртанні Уладзіслава Баўмгэртнэра ў «Уралкалий» на якую-небудзь пасаду.
Паводле апошняй інфармацыі, «Уралкалий» не плануе аднаўляць партнёрства з Менскам у продажы на сусветным рынку калійных угнаенняў.
Нагадаем, экс-старшыня «Уралкалия» быў арыштаваны ў Менску ў жніўні 2013 паводле абвінавачвання ва злоўжыванні ўладай і службовымі паўнамоцтвамі. 22 лістапада ён быў экстрадаваны ў Расею і змешчаны ў маскоўскае СІЗА. Са снежня быў пераведзены пад хатні арышт і павінен быў знаходзіцца пад вартай да 14 кастрычніка 2014 года.