У Кіеве вызвалілі «беркутаўца», падазраванага ў расстрэле 39 майданаўцаў
19- 19.09.2014, 16:58
- 16,410
Пячэрскі райсуд Кіева вызваліў з-пад варты камандзіра роты «Беркута», які падазраецца ў расстрэле 39 еўрамайданаўцаў на вул.Інстытуцкай у Кіеве.
Пра гэта паведамляе «Украінская праўда».
«Падставай для вызвалення стала наяўнасць у падазраванага ва ўчыненні асабліва цяжкіх злачынстваў жонкі, траіх дзяцей і кватэры ў горадзе Кіеве, а таксама яго станоўчая рэпутацыя», - адзначылі газеце ў Генеральнай пракуратуры Украіны.
На думку суда, гэтыя акалічнасці з'яўляюцца гарантыяй таго, што падазраваны не стане ўхіляцца ад крымінальнай адказнасці.
Генеральная пракуратура Украіны абураная такой пастановай і расцэньвае пазіцыю Пячэрскага раённага суда як спрыяльную ўхіленню ад адказнасці падазраванага ў злачынствах, за якія прадугледжана пакаранне ад 10 гадоў да пажыццёвага пазбаўлення волі.
Падрыхтаваная апеляцыйная скарга на гэтую пастанову.