Станіслаў Бялкоўскі: У алігарха Еўтушэнкава могуць забраць і МТС
4- 27.09.2014, 13:04
- 12,324
"Башнефть" - гэта не астатняя кампанія, якую сканфіскавалі ў расейскага бізнэсоўца Ўладзіміра Еўтушэнкава.
"Наперадзе - "МТС", - сказаў расейскі палітолаг Станіслаў Бялкоўскі ў інтэрв'ю тэлеканалу "Дождь".
На ягоную думку, прысуд для Еўтушэнкава будзе абвінаваўчы.
"Расейская праваахоўная сістэма інакш не працуе", - сказаў палітолаг.
"Група рызыкі - бізнэсоўцы, якія вызнаюць недастаткова захоплены лад думання да адзіна слушнай міралюбнай міжнароднай палітыкі Крамля", - падкрэсліў Бялкоўскі.
16 верасня Еўтушэнкаў быў затрыманы і змешчаны пад хатні арышт у справе "Башнефть". Яму было выстаўленае абвінавачванне ў адмыванні грошай. Бізнэсовец сваю віну адмаўляе.
Кіраўнік фонду Нermitage Capital Біл Браўдэр заявіў, што Пуцін заарыштаваў мільярдэра Еўтушэнкава не дзеля актываў, якія ён і так мог скрасці, кіраўнік Крамля змагаецца са сваёй "паранояй палацавага перавароту".
Масгарсуд адмовіўся адпусціць Еўтушэнкава пад рэкордны заклад 300 млн рублёў.