Больш за 200 рэйсаў Lufthansa адмененыя праз забастоўку пілотаў
6- 5.09.2014, 17:45
- 5,167
Пілоты кампаніі Lufthansa будуць страйкаваць 5 верасня з 17.00 да 23.00 у Франкфурце-на-Майне.
Праз забастоўку будуць адмененыя амаль 200 рэйсаў авіякампаніі.
Паводле папярэдніх падлікаў, праз забастоўку пілотаў не змогуць своечасова паляцець у пункту прызначэння больш за 20 тысяч пасажыраў, піша БелТА.
Прафсаюз пілотаў спрабуе дамагчыся ўнясення змяненняў у дамову і паляпшэння ўмоў для тых пілотаў, якія датэрмінова выходзяць на пенсію.
На 14.40 5 верасня запланаваны вылет самалёта авіякампаніі Lufthansa з Менска ў Франкфурт. У аэрапорце Менска аб адмене рэйса не паведамляюць.