Бой у Данецку: Тэрарысты спрабуюць захапіць аэрапорт
14- 7.09.2014, 10:46
- 23,114
Баевікі распачалі спробу штурму аэрапорта - адзінага месца Данецка, якое дагэтуль застаецца пад кантролем украінскай арміі.
Пра гэта піша на сваёй старонцы ў сетцы мікраблогаў «Твітэр» мясцовае выданне «Остров».
«Данецкая раніца. З 6-ці ранку бой вакол аэрапорта. Выбухі і кулямётныя чэргі. Данецк, Кіеўскі раён. Залпы і падзенні ў раёне Пуцілаўка - Спартак», - гаворыцца ў паведамленні.
#Донецк, 8-37, дым со стороны аэропорта #russiaviolatedceasefire #StopRussianAggression pic.twitter.com/5K9KFbpLZj
— Necro Mancer (@666_mancer) 7 сентября 2014
“@litator: Утро. #Донецк ое утро. С 6-ти утра бой вокруг аэропорта. Взрывы и пулеметные очереди.”
— ОстроВ (@ostro_v) 7 сентября 2014
Пасля заключэння перамір'я ў Данецку было параўнальна ціха, піша Цензор.нет. У раёне Тэкстылішчыка некалькі разоў стралялі з мінамётаў, яшчэ ў розных раёнах горада чуліся стрэлы з аўтаматаў. Але гэтыя кароткія перастрэлкі, хутчэй за ўсё, былі маленькімі канфліктамі паміж тэрарыстамі - украінскіх войскаў у Данецку няма, толькі «ДНР». А вось сёння а 6-й раніцы разгарэўся сапраўдны бой вакол Данецкага аэрапорта. Спярша кароткі абстрэл, потым спроба штурму. Зараз чутныя выбухі і кулямётныя чэргі.
«На ўзлётную паласу кладзецца. Чуем на Кастрычніку. Толькі што у раёне Кастрычніцкім было вельмі гучна. Стральба вядзецца надалей» - паведамляюць мясцовыя жыхары.
Раней стала вядома аб парушэнні перамір'я пад Марыупалем. Расейскія «Грады» абстралялі наваколлі горада.