Ашот Габрэлянаў сышоў з LifeNews
9- 8.09.2014, 19:19
- 12,514
Выканаўчы дырэктар холдынгу «Ньюс медыя» і гендырэктар канала LifeNews Ашот Габрэлянаў пакідае холдынг.
У гутарцы з Lenta.ru ён падкрэсліў, што цалкам сканцэнтруецца на развіцці праекта Babo, да якога холдынг LifeNews не будзе мець ніякага дачынення. Са слоў Ашота Габрэлянава, Babo - гэта новая платформа для СМІ, праз якую яны змогуць атрымаць доступ да відэа карыстальнікаў. Мяркуецца, што яе асноўнымі кліентамі павінны стаць тэлеканалы, якім часцяком патрэбныя аператыўныя кадры з месца падзей.
«Цяпер на рынку ёсць некалькі аналагічных праграм, але толькі Babo дазваляе карыстальніку імгненна атрымаць аўтарскі ганарар за загружаны ролік», - сказаў Габрэлянаў, дадаўшы, што Babo - гэта імя ягонай прабабулі.
Ашот Габрэлянаў - сын кіраўніка медыяхолдынга «Ньюс Медыя» Арама Габрэлянава. У холдынг, акрамя тэлеканала LifeNews, вядомага сваёй адыёзнай пазіцыяй што да канфлікту ў Данбасе, уваходзяць газеты «Известия», «Твой день», «Жизнь», «Маркер», часопіс Bubble, а таксама партал super.ru.