Праз затрыманні заўзятараў з «Пагоняй» фанаты пакінулі «Барысаў-Арэну»
12- 13.10.2015, 9:06
- 12,906
Увесь сектар фанатаў Б-12 пакінуў матч адборачнага турніру Чэмпіянату Еўропы ў перапынку гульні.
Заўзятары зрабілі гэта ў знак пратэсту супраць затрымання трох заўзятараў за шалікі з «Пагоняй», піша «Наша нiва».
Сектар Б-12 складаюць фанаты нацыянальнай зборнай Беларусі. Ён падтрымлівае беларускіх футбалістаў як дома, так і за мяжой.
На гульні ў Барысаве на сектары прысутнічала некалькі дзесяткаў чалавек.
Жыхара Менска Дзмітрыя Федарука, а таксама Віталя Буцько і Юрыя, які не захацеў называць сваё прозвішча затрымалі за шалікі з «Пагоняй» на матчы адборачнага турніру Чэмпіянату Еўропы па футболе. Гульня з Македоніяй прайшла ўчора ўвечары ў Барысаве і скончылася нічыёй.